• 11 VITE Albanian Boxing
  • 1
  • 2
  • 3

Pejë: Mbrëmje madhështore e Boksit për Diasporën!

Të Premtën, me 28 Korrik 2017 në palestrën "Karragaqi" të Pejës, në shtëpinë e gjigandit të basketbollit kosovar KB PEJA, do të "kërset" boksi! Shpëtim Shala (31 vjeqar), Boksieri Profesionist nga Peja i cili jeton në Vjenë të Austrisë, do e zhvillon duelin e 25 si profesionsit pikërisht në vëndlidjen e tij në Pejë dhe këtë jo-rastësisht në kohën kur shumë bashkatëdhetarë gjinden atje.

"Fundi i Korrikut dhe fillimi i Gushtit është koha kur në Pejë dhe në mbarë Kosovën gjinden më së shumti bashkatëdhetar që jetojnë në Diasporë, prandaj e vëndosa që duelin tim të radhës ta zhvilloj atje dhe jam shumë i lumtur se kjo po bëhet e mundur. Shpresoj që salla të jetë e stërmbushur dhe të kemi një mbrëmje të bukur sportive" kështu Shpëtim Shala 12 ditë para duelit të tij.

Shala i cili kësaj radhe do të garon në kategorinë super të mesme, do të ketë për kundërshtar 33 vjeqarin Chiotcha nga Malawi i Afrikës, një shtet i cili e ka njohur Kosovën kohë më parë. Chiotcha është Nr. 1 në këtë kategori në Malawi dhe me 21 duele profesioniste edhe ai e sjell një provoj të mirë më vete.

Në duelin e dytë kryesor të mbrëmjes, do të ngjitet në ring një KnockOut-er shqiptar me prejardhje nga Prizreni, i cili është i lindur dhe jeton në Basel të Zvicrës, fjala është për Faton Vukshinaj.

Pas gjithsejt 70 dueleve në boksin amator si dhe në kikboks ku arriti të bëhet edhe kampion bote, Vukshinaj ka kaluar në disciplinen më të lartë të sporteve luftarake, në boksin profesionsit, me 4 Shkurt 2017 dhe nga ajo ditë deri tani i ka zhvilluar 3 duele, i ka arritur 3 fitore dhe të gjitha me K.O. 

Vukshinaj është një shpresë e madhe e peshave të mesme (72 kg) i cili krahas goditjes të fuqishme që e ka, posedon edhe aftësi ta hatashme teknike dhe cilësohet për qëndrueshmëri të fortë edhe ndaj kundërshtarëve të nivelit botërorë.

Pos Shalës dhe Vukshinaj në këtë mbrëmje do të ketë edhe disa duele të tjera atraktive, me Bernardin Jakaj, Edonis Beqiri etj. Gjithsësi një mbrëmje e shkëlqyer për boksdashësit e Kosovës dhe Bashkatëdhetarët tanë të cilët gjinden në pushime në vëndlindjen e tyre dhe mund të kalojnë disa orë të bukura sportive në palestrën Karragaqi në Pejë. 

Mbrëmja do të fillon nga ora 18:00 (28 Korrik 2017).


AlbanianBoxing.com
16.07.2017

Albanian Boxing

 
image

Kush jemi ne?

AlbanianBoxing.com është Webfaqja e parë dhe më e madhe shqiptare që i është dedikuar Boksit Profesionist. Kjo Webfaqe u themelua me 09.11.2005 nga Luan Dreshaj, një adhurues i Boksit nga Kosova i cili jeton dhe vepron në Gjermani. Luan Dreshaj tani është Këshilltar i disa Boksierëve shqiptarë dhe i disa ndërmarrjeve tregtare gjermane në Bundeslandin Nordrhein Westfalen.

Lexo më shumë

AlbanianBoxing YouTUBE Channel